ТУХАЙ

МЭНДЧИЛГЭЭ

Маркиза ХХК-ийн цахим хуудсанд зочилж буй аялагч танд энэ өдрийн мэнд хүргэе.

Маркиза трэйвэл” компани нь гадаад, дотоодын жуулчдын эрэлт, хүсэл сонирхолд нийцсэн бүтээгдэхүүнээр, чанартай үйлчилгээ үзүүлж, олон улсын түвшинд нийцсэн үндэсний тур оператор юм.

“Маркиза” ХХК нь 2009 онд анх гадаад худалдааны чиглэлээр байгуулагдсан. 2017.11.01-нээс эхлэн аялал жуулчлалын чиглэлээр үйл ажиллагаа явуулж эхэлсэн. Гадаад дотоод аялагчдын амралт, чөлөөт цагийг ая тухтай өнгөрүүлэх зорилгоор дэлхийн улс орнуудын түүхэн дурсгалт газар, үзэсгэлэнт байгаль, өндөр хөгжилтэй хотууд болон Монгол орны түүхэн дурсгалт газруудаар аялал зохион байгуулдаг.

Манай байгууллага нь дэлхийн аялал жуулчлалын гол цэг болоод буй АНЭУ-ын элсэн дундах диваажингийн аяллыг Монгол улсдаа зохион байгуулсан анхдагч нь бөгөөд цаашдаа өөрсдийн шинэлэг өнгө төрхөөрөө ялгаран, гадаад, дотоодын жуулчдын хүсэл, сонирхолд нийцсэн бренд үйлчилгээг үзүүлэн, олон улсын стандартад нийцсэн үндэсний тур болох зорилт тавин ажиллаж байна.

Бид өнөөдрийг хүртэлх энэ арвин туршлагаараа “Таны мөрөөдлийг бид бүтээнэ” уриан доор үйлчлүүлэгчийн сэтгэл ханамжийг чухалчлан чанартай, шинэлэг, шилдэг, мартагдашгүй аяллууд зохион байгуулж, олон улсын зочид буудал, авиа компаниуд, ресортуудын итгэлтэй түнш, хариуцлагатай хамтрагч нь байж, эрсдэлгүй, даатгалтай аяллууд амжилттай зохион байгуулсаар байх болно.

Манай байгууллага гадаад болон дотоод аяллууд зохион байгуулдаг. Дотоод аяллын хүрээнд, гадны жуулчдыг эх орныхоо байгалийн үзэсгэлэнт газруудаар аялуулан өөрийн улсын өв уламжлал, ёс заншил, нүүдэлчин соёл иргэншил, түүх соёлын гайхамшгийг мэдрүүлэн эх орноо сурталчилан, дэлхийд таниулах үйлсэд хувь нэмрээ оруулсаар байна. Мөн Ази, Европын орнуудтай, тэр дундаа, Солонгос, Хятад, Орос, Турк, АНЭУ-ын аялал жуулчлалын бизнесийн байгууллагуудтай түншлэл, хамтын ажиллагаагаа өргөжүүлэн ажиллаж байна.

Бидэнтэй хамт байдаг, бидэнд итгэл хүлээлгэн үйлчлүүлдэг дэлхийгээр аялагчид, бидний үйл ажиллагаатай танилцахаар энэхүү цахим хуудсаар зочилсон эрхэм та бүхэнд баярлалаа. Та бүхний аяллын алтан шар зам өлзийтэй, адал явдлаар дүүрэн, дурсамж дурдатгалаар арвин байхыг ерөөе.

Хүндэтгэсэн
Ерөнхий захирал Ц.Энхзаяа